VOLCANIC ASH

السلام عليكم

اول تدوينه راح تكون في مجال الجمال والعناية بطلب من صديقة ، وغير كذا انا احب اتكلم بمواضيع الجمال .

 VOLCANIC ASH ، من (ماك) عبارة عن سكراب للوجه والجسم *انا مااستخدمه الا للوجه ، سعره ١٥٣ ريال .

طيب وش فرقه عن باقي المقشرات وليش بتكلم عنه اليوم ! هو عبارة عن رماد البراكين !! اي رماد ولونه اسود بعد :)
*ممكن تبحثين بالنت عن فوائد رماد البراكين للبشرة *
طبعاً معه حبيبات السكر لتساعد على التقشير > هو منتج  مو جديد يمكن من ٢٠٠٨ او ٢٠٠٩ بس كان لمتد اديشن ورجع سنة ٢٠١٣ لزيادة الطلب عليه < اكبر دليل على نجاحه .
طيب بتكلم عن تجربتي ، هو مقشر يساعد على ازالة الجلد الميت من سطح البشرة واللي يميزه انه مايجفف البشرة بالعكس نعومة ، ويبين ان البشرة مصحصة ويشيل اثار التعب < مفعوله مؤقت يعني لو عندك مناسبة يفك ازمه 
هو المفروض يستخدم من مرة الى مرتين في الاسبوع بس انا ما استخدمه الا وقت الازمات او اذا حسيت بشرتي تعبانه اما باقي الاسبوع استخدم نوع ثاني 
الطريقة : بعد غسل الوجه بالغسول تضعين السكراب على كامل البشرة وهي رطبة ليساعده على التمدد ، بعد كذا تتركينه ماسك ١٠ دقايق وبعدها ابدأي بعملية التقشير < راح تلاحظين الفررررق من اول استخدام *ـ*
*ريحته شوي مو حلوه بس عادي تختفي *

*وبس اول تدوينه احس مستحيه *



thanks for reading :)