ترطيب البشرة

السلآم عليكم ..

ان شاء الله راح ابدأ سلسلة جديدة بالتدوين راح اتكلم فيها عن روتين كامل ..

بتدوينة اليوم بتكلم عن ترطيب بشرة الوجه ، الترطيب من اهم اساسيات العناية

مجموعتي اللي حالياً مستقرة عليها

اولاً مرطب فايتمين e من صيدلية بوتس جربت كريمات كثيرة فايتمين e بس هذا الافضل يرطب البشرة ويحافظ على نعومتها لو احطه مرة وحدة باليوم يكفي ، يغذي البشرة والكل عارف فوائد فايتمين e :)
ملاحظة :  ثالث مرة اشتريه :) ، المنتج حصري لصيدلية بوتس سعره   24

ثانياً مرطب لمنطقة حول العين قبل ما اتكلم عن هذا المرطب بقول شي بخاطري من زمان مو شرط يكون عندك مشاكل زي الهالات والانتفاخ والتجاعيد على شان تستخدمين كريمات خاصة للعين عادي يكون ماعندك مشاكل وتستخدمينه على شان تحافظين على رونق العين وغير كذا الميك اب مايطلع حلو على العين بدون ترطيب،
الكريم اللي استخدمه من ديور اسمه CAPTURE TOTALE انا عيوني تتعب كثير من النظارة والعدسات وهذا المنتج رجع الحيويه لعيوني وصارت اكثر مصحصحه بس للأمانه النتيجة مو سريعة اتوقع بعد شهر ونص ، بعد مايخلص
ما اتوقع اشترية مره ثانية لعدة اسباب اولاً سعرة جداً غالي ب (400 ريال ) ثاني سبب النتيجة بطيئة وانا اذا ماشفت النتيجة بسرعة اطفش ، بعد مايخلص راح ابحث عن بديل له بسعر ارخص ونتيجة اسرع .

ثالثاً مرطب الشفايف بخلاصة جوز الهند من اجمل مرطبات الشفايف اللي استخدمتها كنت استخدم قبل لابيلو بس جداً سيئ وسبب لي مشاكل الى الان اعاني منها ، لاحظت بعد استخدامي لهذا المرطب تحسن بسيط لشفايفي وترطيبه جداً عالي .
ملاحظة : هذا المنتج حصري لصيدلة بوتس ، نسيت السعر :(

اخر شي بتكلم عنه افضل اكتشاف اكتشفته BIO OIL يرطب ويعالج السترتش ماركس والاجمل من كذا يعالج اثار الحبوب واثار الحروق اهديته امي وخلصته والحين طالبته مره ثانيه :) ينفع للوجه والجسم
من صيدلية بوتس سعرة 105 في منه حجم اصغر اتوقع ب 80




وبس هذي خلاصة تجربتي لمرطبات الوجه


THANKS FOR READING