اختيار الدرجة المناسبه للفاونديشن

السلام عليكم

بوست اليوم عن اختيار الفاونديشن المناسب ، الفاونديشن من اساسيات الميك اب ولا يكتمل اللوك الا فيه
من وجهة نظري اختيار اللون المناسب اهم من اختيار البراند والنوع ..

بعد ماتختارين البراند ونوع الفاونديشن المناسب لبشرتك نجي لاهم نقطه اللي هي اختيار اللون المناسب ، كل براند لها درجاتها وفي بعض الماركات ممكن ماتلقين درجة لونك .
في عدة طرق تحددين درجة لونك اول طريقه تحددين الاندر تون :
الاندر تون 3 انواع ( بشرة بارده ، بشرة دافئة ، بشرة محياده ) ممكن بنتين نفس درجة البشرة بس مايناسبهم نفس الفاونديشن والسبب الاندر تون مختلف ، اسهل طريقة لتحديد الاندر تون هي عن طريق عروق يدك اذا كان لونها اخضر معناته بشرة دافئه ، العروق الزرقاء او البنفسجيه بشرة بارده ، البشرة المحياده تكون بين البشرة البارده والدافئه
طيب الحين عرفتي نوع بشرتك كيف يفيدك بأختيار اللون ؟
كل براند لها نظامها بتوزيع درجات البشرة مثلاً ماك NC للبشرة الدافئه ، N للبشرة المحايده  , NW للبشرة البارده
مثلاً الأندر تون عندك بشرة باردة تجربين درجات NW وتاخذين الانسب لك اغلب الماركات يعطون تست كذا لون تجربين اللي يناسبك في البيت وعلى راحتك .

طريقة ثانيه لاختيار الفاونديشن المناسب ، اذا عندك فاونديشن مناسبك لونه من اي ماركه موقع سيفورا يقترح لك جميع الدرجات اللي تناسبك من جميع الماركات

تدخلين على الرابط (هنا) في الخانه المحدده بالاحمر تختارين ماركة الفاونديشن  مو شرط من ماركات سيفورا ، بعد كذا يطلع لك الانواع تختارين النوع واللون ، في الاخير يقترح لك الدرجات من جميع الماركات الموجودة في سيفوارا .
هذا كل شي بالنسبة لتحديد اللون في بوست ثاني ان شاء الله بتكلم عن الانواع وافضل الماركات حسب تجربتي




THANKS FOR READING